Nor gara • ebete

Nor gara?

Ebete hizkuntza-zerbitzuak 2007an sortu genuen, eta gaur egun talde txiki eta bizi batek osatzen du lantaldea. Bakoitzaren ibilbidea ezberdina den arren, euskararen erabilerarekin eta haur eta nerabeen hizkuntza-ohiturekin arduratuta gaude eta heziketa eta sozializazio prozesuan lagungarri izan daitezkeen baliabideak garatu eta gizarteratu nahi ditugu.

info@ebete.eus

Iñaki Eizmendi

Lasarte-Oriakoa naiz eta 1973an jaio nintzen. Gizarte hezitzaile ikasketak egin nituen. Hainbat urte eman nituen euskararen erabileran eragiteko ekimenetan parte hartzen eta 2007an Ebete hizkuntza-zerbitzuak sortu nuen. Ordutik Euskal Herri osoan zehar nabil ikastaro eta hitzaldiak ematen, baita aholkularitza eskaintzen ere.

arrate@ebete.eus

Arrate Gisasola Izeta

1979an Eibarren jaio nintzen eta gaur egun Soraluzen bizi naiz.
Soraluzeko Pilpilean Euskaltzaleen Elkartean hamar urtez jardun ostean, 2016an hasi nintzen EBETEn.
Soziolinguistika eta hezkuntzaren gaiak oso gustuko ditut eta EBETEn biei begira lan egiteko aukera izan dut.
EBETEk hainbat ildo eta egitasmo desberdin lantzen ditu. Lan taldeko kideak denetan parte hartzen badugu ere, Mintza ON egitasmoa (ikasleentzat online bidezko mintzapraktika programa) eta familien ildoa dira gaur egun nire ardura nagusiak.
“Euskararen erabilerak arduratzen bagaitu eraman dezagun egunerokoen lehen lerrora. Merezi dugulako, merezi dutelako.”

maddalen@ebete.eus

Maddalen Aristegi Sanchez

Oiartzuarra naiz eta 1991an jaio nintzen. Magisteritza eta psikologiako ikasketak egin nituen. Gaztetan Euskal Herrian Euskarez ibili nintzen herria xixatzen. Hainbat urte kanpoan bizitzen ibili ostean, 2020an Euskal Herrira itzuli eta EBETEn hasi nintzen lanean. Ordutik oso gustora nabil Euskal Herriko ikastetxeetan formakuntza saioak ematen, gurasoei hitzaldiak eskaintzen eta Donostiako hainbat aisialdi proiektu sustatzen.

markel@ebete.eus

Markel Baroja Laita

Bilbotarra naiz, 1996an jaioa. Bizkaieraz egin nuen derrigorrezko hezkuntza, baina batueraz hitz egiteko ez daukat inolako arazorik, gainera, udarak Deban pasatzearen ondorioz, Gipuzkeraz ere moldatzen naiz. Psikologiako gradua egin nuen eta kirolaren psikologiako masterra eginda arlo horretan espezializatu nintzen. Deustuko Berbaizu Euskara Elkartean lan egin nuen 3 urtez eta bertatik egin nuen EBETE hizkuntza zerbitzuetara salto. Gaur egun, kirol arloko proiektuen arduraduna naiz, eta batez ere, Bizkaiko herrietako kirol klubekin aritzen naiz. Formazioak, aholkularitza eta entrenatzaileen jarraipenak egiten ditut, baita, udalen beharrak asetzeko proiektu eta materialen sorkuntzan.

maialencuevas@ebete.eus

Maialen Cuevas Viota

Barakaldokoa naiz eta 1992an jaio nintzen. Magisteritza eta Pedagodia Terapeutiko ikasketak ditut. Hainbat urte eman ditut nerabe zein haurren aisialdirako euskara eskaintzan lan egiten eta 2022an sartu naiz Ebete hizkuntza-zerbitzuetako lantaldean.

Horretaz gain, hainbat aditu eta eragilerekin elkarlanean aritzen gara baliabideak garatu eta berriak sortzera begira.